അകവൂര്‍ ഹൈസ്കൂള്‍

എറണാകുളം ജില്ലയിലെ മനോഹരമായ ശ്രീമൂലനഗരം ഗ്രാമത്തിലെ സരസ്വതീനിലയമാണ്‌.

ഇവിടെനിന്ന് അക്ഷരം നുകര്‍ന്ന് ഇന്ന് ലോകത്തിന്റെ വിവിധകോണുകളിലായി കൂടുകൂട്ടിയവര്‍ എത്രയോ പേര്‍.ഏതെല്ലാം നിലകളില്‍ ഏതെല്ലാം സ്ഥാനങ്ങളില്‍ എത്തിയവര്‍...എന്നാലും ഈ സ്കൂളും ഈ പാടവും ഈ പുഴയും ഈ തോടും ഇന്നും ഹരമാണ്‌.ഈ ഗൃ ഹാതുരമുണര്‍ത്തുന്ന ഓര്‍മ്മകളിലേക്ക്‌ ഒരു നിമിഷമെങ്കിലും കടന്നുവരാതിരിക്കാനാകുമോ? ഞങ്ങള്‍ 1983 ല്‍ ഈ സ്കൂളിന്റെ പടിയിറങ്ങി.57 പേര്‍.പലരും പിന്നെ കണ്ടിട്ടേപോലുമില്ല.ആരൊക്കെ എവിടെയാണന്നുപോലും നിശ്ചയമില്ലയിരുന്നു.ആര്‍ക്കാണ്‌ ഈ ആശയംതോന്നിയതെന്നതിന്‌ ഇപ്പോള്‍ പ്രസക്തിയില്ല.പക്ഷെ 57 പേരും ഒന്നുകൂടി ഒത്തുചേരാന്‍ തീരുമാനിക്കുമ്പോള്‍ അതൊരു സാധിതമായ സംഗതിയാണെന്ന് കരുതിയില്ല. ഇന്ന് 3 പേര്‍ ഈ ലോകത്തുനിന്നുപോലും പോയിക്കഴിഞ്ഞത്‌ ഞങ്ങള്‍ വേദനയോടെയാണറിഞ്ഞത്‌.54 പേര്‍ ഇന്ന് ലോകത്തിന്റെ തന്നെ പല പല കോണുകളിലായി കഴിയുന്നു..എല്ലാവരേയും ഞങ്ങള്‍ കണ്ടെത്തി... മെയ്‌ 9 ന്‌ ഞങ്ങള്‍ ഈ സ്കൂളിലെ ഓര്‍മ്മകളുറങ്ങുന്ന അതേ ക്ലാസ്സ്‌ മുറിയില്‍ ഒത്തുകൂടുന്നു.. ഇവിടെ ഓര്‍മ്മകളുടെ ചെപ്പുതുറക്കപ്പെടും.. അനുഭവങ്ങളും കഥകളും വേദനകളും സന്തോഷങ്ങളും പങ്കുവയ്ക്കാം.... ഒരിക്കല്‍കൂടി ക്ഷണിക്കുന്നു...